الخميس، 1 أغسطس 2013

هل اللعنه هى مصر ام ان اللعنه تسكن مصر

مش عارف اكتب ولا ما اكتبش 
اقول ولا ما اقولش
 اصل مبقــــــــــــوق مفرقــــــع 
 مــــش طـــــــــــايق نفــــــــسى

هى البلد دى ايه .. هى البلد دى ملعونه.. وايه اللعنه اللى فيها
يا ترى انا متشائم ولا متفائل .. بالطبع انا متشائم وحيجينى منين التفاؤل
اللى يقرأ التاريخ كويس مش ممكن يتفائل .. يا ترى اللعنه ساكنه فى مصر لا تفارقها
فى آخر الاسره السادسه ايام حكم بيتى الاول قامت ثوره كبيره فى مصر.. شوفوا كان شكلها ايه....... عارات عسكريه على البلاد من الجيرات ... توريث الحكم .. حروب داخليه  .. اختفاء الحقوق .. انتشار الخوف .. القحط .. انحلال خلقى ..... وحاجات مطينه بطين كتيره .. و ,,, و ,,, و ...
الفتح العربى لمصر ... يا رب حتنشلنا بقى من الهوان وحكم عمرو بن العاص الاسلامى .. الله .. الله .. الله
صلاح الدين ينتصر على التتار ... الله الله الله
 قطز ينتصر على المغول .. يا حلاوتك يامصر
السلطان الغورى الذى ظلمه التاريخ كثيرا ... انت فين يا مصر
محمدعلى الكبير ... عشره او خمستاشر سنه .. وكله راح فى الفكلتش
ثورة سعد زغلول .. هو فيه احسن من كده
انقلاب 52 الذى ايده الشعب واصبح ثوره .. طب عايزين ايه تانى .. وفيه اشى فى الخص وعينه بتبص (ثعلب بيسموه الاخوان)
النصر على اليهود فى 73 طب انتم عايزين ايه
ثورة 25 يناير ..( تطلع الاخوان يخطفوها)
ثورة 30 يونيو  .. برضه الاخوان عايزين يبوظوها ... اما نحكمكم .. واما نقتلكم .. هذا هو منطقهم
كل اللى حصل فى التاريخ ده ولا فيه فايده وكل مره نبدأ من اول وجديد ... هل هى بلد ملعونه ام اللعنه مقيمة بها 
آه يا بلدى .. وجع قلبى عليك .. ووجع قلبى بك .. ووجع قلبى وعقلى وايامى منك
متى تذهب عنك اللعنه

الاثنين، 17 سبتمبر 2012


حيرى؟ .. نعم حيرى .. فهى السفن وهى السفين

 

غزالة حروف لمن نسجت ؟

 

لربيع نسجت بمداد اسود  ايامهما محكومة  بهجر

 

أم خريف ؟ هجر مجبورا غادرا ومغدورا

 

وخيار لم يكن ابدا له

 

وقصور بنيت لغيره

 

تستعذب الشهاده وليست بشهيد

 

فقبل ان تذبح كان مذبوحا

 

وسلخ جلده ليفترشه ابن الربيع

 

وبيع لحمه لتأكله سباع سرك

 

وفى قاع البحر سكنت عظامه

 

وما زال فى ممالك الحلم يسبح

 

يصارع امواج الحلم

 

نزل البحر وليس بعوام

 

ركب القارب وليس ببحار

 

تتقاذقه امواج الحلم

 

يناجيها بحبل تشده ... تنقذه

 

ترحل تتركه بين بحور الحلم

 

يصارعها ... يصارعها حتى يغرق

 

كثيرا ما يصحوا حلمه

 

تخاريف ... هذيان مرض ... أم بوح ... أم نواح

 

لا هذا ولا هذا

 

فلا البوح نواح

 

ولا الصمت أراح

 

و ...........تبقى الذكرى تنير عالم النسيان

 

ويبقى اللقاء فراق ...  ويبقى الحلم هجرا

 

غير ما كان ... غير ما كان ... لا يملك غير ما كان

 

يا مليكة ممالك الحلم 


لك ... لك كل الذكرى

 

أذكرك حينما تعز الذكرى


السبت، 30 يونيو 2012

عراقة دوله

اقولها فى كلمات بسيطه مركزه

الدوله المصريه دولة عريقة فى التاريخ

باختصار جدا : الدوله المصريه دوله محترمه

ولكن كان حكامها غير محترمين

اليوم تم تسليم السلطه بسلاسه وسهوله .. القوات المسلحه حفظت العهد وصانت الامانه والدوله واتمت مهمتها بنجاح واقتدار

تحية لقزاتنا المسلحه .. تحية للمشير طنطاوى .. تحيه لرئيسنا الجديد محمد مرسى .. تحية للشعب المصرى عامه .. لم انتخب الدكتور محمد مرسى ولكنى مصرى انطوى تحت لوائه واخضع له رئيسا واقف له بالمرصاد اذا حاد عن طريق الديمقراطيه

الله عليكى يا مصر

الأحد، 15 أبريل 2012

كلام فى انتخابات الرئاسه






القانون راح وبقى الموضوع سداح مداح

صوت الحق ضاع والدنيا بقت صداع فى صداع والعدد ما بقاش فى الليمون دا العدد بقى مجنون .. يا عالم فيه قانون بيقول .. يبقى انتم تسكتوا ومتقولوش .. ياعم بتجادل ليه .. انت عارف انك غلطان طب ليه بتجادل ولابتستقوى بعددك وبجماعتك وبصوتك العالى 

طب ضحكت علينا فى الاول ووثقنا فيه والآخر انت عارف واحنا عارفين انك مخلط شرقى شويه وغربى شويه .. طب بتقاوح ليه وبتقاوح فى ايه

هو اللى عايز يبقى كبيرنا يبتدى الحكايه بكدبه كبيره وعايز يفرض نفسه بالقوه حتى لو مخالف القانون .. طب انت بتعمل كدا دالوقت .. أمال لو بقيت الكبير حتعمل فينا ايه .. والله يا ويلنا منك لو بقيت الكبير وانت بتكذب كدا على طول

المؤمن صاق .. صدوق والا ايه يا مشايخ هو انتو كل كلامكوا وجدالكو بس هو اللى صح والكذب والبهتان واضح زى الشمس ولا انتوا بتقولوا كلام وبس وعايزين غيركوا يطبقه وانتم لأ

يا جماعتنا يا مصريين .. خدوا بالكم .. الكدب ما لوش رجلين واللى عايز يولعها وهو لسه ما دخلش ولسه ما حكمش طب ما بال لو حكم حيعمل ايه ؟

طب افرض الانتخابات حصلت ورسبتوا فيها .. حتولعوها نار ومش طبعا حتعترفوا بانكم رسبتم ما هو انتم واخدينها بالدراع وبالبلطجه وبالصوت العالى 

هو القط بيحب خناقوا ولا ايه .. انتم بقى حرين يا مصريين .. آدى العينه قدامكم .. يعملوا حصار لآى حاجه مش عاجباهم اصحوا بقى وفوقوا يا مصريين 

بطلوا بقى دروشه واللى يضحك عليكم وبيقول انه معاه توكيل من ربنا عشان يحكمكم .. ما حدش معاه توكيل من ربنا .. ربنا على طول قدامكم مش محتاج حد معاه توكيل ولا واسطه

للمره التانيه .. انتم تستاهلو اللى يجرى ليكم وذنبكم على جنبكم


الثلاثاء، 13 مارس 2012

عبثيات فشكوول

النهارده الثلاثاء ربنا يجعله يوم ابيض على كل الناس.. قوم ايه :
قام فشكوول من النوم الساعه 10 صباحا وارتدى جلابيته البلدى بتاعة اخوه شلبى وأخذ العباءه على كتفه ووقف امام المرآه ليصلح من زينته ويصفف شعره يمينا برهه وشمالا برهه وفى النهايه يعملهم لخبطيشن عشان هما اربع شعرات لا شافعين ولا نافعين كل دا ليه : اقول لكم انا ليه : ...

عشان رايح يقبض المعاش لأول مره .. حمل معه شنطة واكياس لزوم الشياله وتخزين الفلوس وذهب فشكوول منتفخه اوداجه مشرأب الرأس فاتحا زراعيه للدنيا .. ثم ............. عاد مرة اخرى يجر ازيال الخزى والعال فاستقبلته زوجته منشرحة الصدر ضاحكه باسمه مستبشره وفتحت حجرها لتستقبل به حصيلة المعاش

الزوجه : هات يا خويا ربنا ما يحرمنا منك ولا من طلتك .. وفشكوول يضع فى حجر زوجته 825 جنيه ويقول لزوجته بصوت متهدج متبلج متشهلج وماحدش يسألنىمعنى الكلام دا ايه لانى مش اعرف : هما دول يا وليه وخلاص .. فتصرخ الزوجه مولوله غير مصدقه فيؤكد لها فشكوول  ان هذا هو كل ما فى الموضوع 

وبالصوت الحيانى .. يا لهووووى .. يا خلق هوووى .. ايه ده يا خويا .. يا ما جاب الغراب لامه , ولابس الجلابيه الكبيره وحاطط العبايه على كتفك ولا عمدة ابو طشت على دول؟ .. منتش مكسوف .. واتلم الجيران والشارع وكل خلق الله .. يا فضيحتك يا فشكوول

الوليه بقى بتقول : قوم يا خويا قوم .. قوم شوف لك حته تانيه .. الله يسهل لك .. ربنا يحننها عليك .. روح يا خويا اقعد جنب امك فى البلد .. 
فشكول .. يا وليه امى ماتت من زمان .. وماله يا خويا روح اقعد جنبها لحد ما تروح لها انت كمان .. انا عارفه انت ايه لزمتك فى الدنيا وقاعد فيها بتعمل ايه ؟
دا بيحصل فى كتير من بيوت مصر .. ليييه : لان الدوله المصريه دوله بتاكل عيالها .. دوله اصيله فى التاريخ قليلة الاصل فى التعامل مع اولادها .. الدوله المصريه دولة الرمز .. المرتب رمزى .. مين رمزى ده ؟ .. المعاش رمزى .. دوله استقطاعيه بتستقطع عيالها

خد القرشين دول حاجه رمزيه وروح بقى كمل الشهر بتاعك براحتك وعيش على قدك سواء كان مرتب او معاش والمعاش على قد اللى استقطع منك .. طب يا دوله يا مصريه الله يخليكى ويطرح البركه فيكى انت بابا وانت ماما وانت انور وجدى وما حدش قالك لا ما تستقطعين .. اشمعنى يا ختى عامله زى المنشار وبتلهفى من المرتبات ضرائب شيئ وشويات ولا حد بيفتح بقه  .. اشمعنى يا ختى كل يوم اعلانات فى التليفزيون وكل وسائل الاعلام 

اتبرع لصالح مستشفى 57357 
ابترع لمستشفى السرطان بطنطا
اتبرع لحساب 2011/1/25 عشان تساعد فى اقتصاد مصر
كله اتبرع .. ما فيش حاجه اسمها خد خالص

أمال انت يا دوله يا مصريه يا عريقه فى التاريخ بتعملى ايه ؟ .. فيكى ايه يا مصر .. ليه بتاكلى عيالك .. ليه بتعذبى ولادك .. ليه ببيتخرجوا من الجامعات وترميهم على الارصفه .. ليه اللى بيتكلم فيكى ويطلب حقه بتقتليه ... ليه وليه وليه ؟؟؟؟؟؟؟؟
اصل اللى بيشرب من نيلك يا مصر بيرجع لك تانى .. على ايه يا خويا .. دا النيل كله بلهارسيا وبلاوى مسيحه

وعبد الوهاب بيغنى .. النيل نجاشى .. حليوه اسمر .. امال لو كان اشقر ولا ابيض كنا عملنا ايه؟

ما تقولش ايه ادتنا مصر ...... لأ قول حندى ايه لمصر لحد امتى؟ ..ثم ان مصر خلصت علينا خالص ولا حيلتنا حاجه نديها ولا بتدينا
يا حبايب مصر ... حبايب قال والله ما شفنا منها حاجه حلوه خالص
دى مصر بتمص دمنا .. بتستقطعنا .. بتحرق قلبنا 

الدنيا اخذ وعطاء وليست عطاء فقط ولا من جانب واحد .. الدنيا خد وهات
حتى تعرف مصر ان لنا حقوقا عليها .. لا بد ان نحاسبها حسابا الملكين حتى تقر وتعترف اننا أبنائها لنا عليها حق الحب وحق الدلال .. بس ما علهش .. خلينا تخليها تحبنا الاول وبعدين حييجى الدلال بعد كدا .

كتير علينا

الثلاثاء، 28 فبراير 2012

قصه نثريه قصيره


الطريق ممهد
ناعم الملمس
ينساب فى حريريه
وانا وانت ركابه
نكاد نصل الى نهايته
ليبدأ مشوار جديد
وفجأه 
نقع فى حفره
عمدا حفروها
لى خصيصا صنعوها
وبارشادك .. وبارادتك 
وفروا هاربين
تختبرين اخلاصا
تمتحنين اخلاقا
فى انسان
نصفه ملاكا ونصفه شيطان
لانه انسان
قد ينجح وقد يهان
فيك نقائص .. لانك انسان
فى عيوب .. لانى انسان
لولا الحفره ما وقعت .. ما عتم العقل
لا نقض ولا استئناف
تستلين غدارتك من غمدها 
وتطلقين رصاصه
تأخذنى
اخذتنى
وتظنين انى قتلت
وانى راغب 
وانى اطلب العوده 
فقد مت .. ومن مات لا يعود
لن اعود
لن اعود

من خواطرى : مواقف مختلفه من الحياه