الأحد، 15 أبريل 2012

كلام فى انتخابات الرئاسه






القانون راح وبقى الموضوع سداح مداح

صوت الحق ضاع والدنيا بقت صداع فى صداع والعدد ما بقاش فى الليمون دا العدد بقى مجنون .. يا عالم فيه قانون بيقول .. يبقى انتم تسكتوا ومتقولوش .. ياعم بتجادل ليه .. انت عارف انك غلطان طب ليه بتجادل ولابتستقوى بعددك وبجماعتك وبصوتك العالى 

طب ضحكت علينا فى الاول ووثقنا فيه والآخر انت عارف واحنا عارفين انك مخلط شرقى شويه وغربى شويه .. طب بتقاوح ليه وبتقاوح فى ايه

هو اللى عايز يبقى كبيرنا يبتدى الحكايه بكدبه كبيره وعايز يفرض نفسه بالقوه حتى لو مخالف القانون .. طب انت بتعمل كدا دالوقت .. أمال لو بقيت الكبير حتعمل فينا ايه .. والله يا ويلنا منك لو بقيت الكبير وانت بتكذب كدا على طول

المؤمن صاق .. صدوق والا ايه يا مشايخ هو انتو كل كلامكوا وجدالكو بس هو اللى صح والكذب والبهتان واضح زى الشمس ولا انتوا بتقولوا كلام وبس وعايزين غيركوا يطبقه وانتم لأ

يا جماعتنا يا مصريين .. خدوا بالكم .. الكدب ما لوش رجلين واللى عايز يولعها وهو لسه ما دخلش ولسه ما حكمش طب ما بال لو حكم حيعمل ايه ؟

طب افرض الانتخابات حصلت ورسبتوا فيها .. حتولعوها نار ومش طبعا حتعترفوا بانكم رسبتم ما هو انتم واخدينها بالدراع وبالبلطجه وبالصوت العالى 

هو القط بيحب خناقوا ولا ايه .. انتم بقى حرين يا مصريين .. آدى العينه قدامكم .. يعملوا حصار لآى حاجه مش عاجباهم اصحوا بقى وفوقوا يا مصريين 

بطلوا بقى دروشه واللى يضحك عليكم وبيقول انه معاه توكيل من ربنا عشان يحكمكم .. ما حدش معاه توكيل من ربنا .. ربنا على طول قدامكم مش محتاج حد معاه توكيل ولا واسطه

للمره التانيه .. انتم تستاهلو اللى يجرى ليكم وذنبكم على جنبكم


هناك 14 تعليقًا:

وصف الاحساس يقول...

عمو فشكول
الحمد لله ان ربنا خلق اﻻنسان مخير مش مسير
بس للاسف في ناس بتستمني تبقي مسيره تلغي عقلها وتمشي ورا حد وخﻻص
صح وﻻ غلط مش مهم المهم انه شيخ وبيقول كﻻم ربنا
للاسف لسه في ناس مايده له
والله مش عارفه هو امن الدوله رحمنا منهم اما كان ﻻممهم وﻻ ظلمهم بحبسهم وبعدهم عن الحياه وطالعين كانهم جايين من الكهف لسه عايشين في الزمن ال فات
رحمتك يارب

MAIS M.ISSA يقول...

فشكول ايها المبدع..
شكرا لمرورك وشكر اكبر لتعليقك..

;كارولين فاروق يقول...

طب افرض الانتخابات حصلت ورسبتوا فيها .. حتولعوها نار ومش طبعا حتعترفوا بانكم رسبتم ما هو انتم واخدينها بالدراع وبالبلطجه وبالصوت العالى


بلد مجانين صحيح علي رأي الاستاذ ابراهيم رزق
لما هما بيهددوا كده قبل ما يقعدوا ع الكراسي اومال لما يقعدوا عليها حايعملوا ايييييييييه
حسبنا الله ونعم الوكيل

هبة فاروق يقول...

أخرتها حتكون خيرا بأذن الله والثوره حتنجح لان ربنا ميرضاش ان دم الشهداء يروح هدر وكل شىء حينكشف ويبان والحق حيظهر والكداب حيبان والمنافق حيتعرى
صدقنى لا تحمل هم ولا كدر الله المستعان على ذلك فرج قريب باذن الله

شمس النهار يقول...

صح

كلامك صح
عايز يولعها وهو لسه علي البر اومال لما يبقا ريس هيعمل ايه
هيولع فينا احنا بقا

محطات ثقافية يقول...

انا ارشح الشخص الي انت حاط صورته ههههه حفاظا على سلامتي الشخصية وانتم احرار في قراركم
موضوع باسلوب مرح ورائع
بوركت اخي

Tarkieb يقول...

بالشكل ده مفيش انتخابات....ان اول واحد كنت ح ارشح سليمان عشان يؤدب الاخوان والسلفيين ويبقى نظام يانعيش عيش فل يا نموت احنا الكل... بس ياخسارة طار سليمان بس هو شكلها كدة مفيش انتخابات هو المجلس العسكري اهبل يسيب الكرسي ويخش السجن....لو الاسلاميين مسكو البلد بجد يبقى ضاعت

Unknown يقول...

عمر بلادنا مصر الحروسة ما عرفت القانون..دائماً الفقير فيها كان بيتظلم والقادر فيها بياخد حقه وبالقانون..والا نسيتو الفلاح الفصيح..لك تحياتي

الاحلام يقول...

ومين مقتنع بمن هو على الساحه حاليا ومين مقتنع بما يحدث الان ومن يعرف الى اين يذهب بنا سائقى السفينه
ربنــــــــــا يستر
تحياتى ابوداود

ahmed said يقول...

مساء المكان وما حوى :

" الراقي والرائع * فشكول *

...
..
.

ولوج أول لي هنــا ..
في مساحتك الخضراء
:
ثورة بدون أهداف أو بالأحرى ..
دون قوى حقيقة تسعى لتحقيق هذه
الأهداف تساوي ..
المنظر والمظهر السياسي في الشارع
المصري الآن !!
اتعجب مما يحدث الآن من عجب العجب !
أقنعة مزيفة هنا و هناك
صراع ما بين الشر و الشر ،
وكأن الخير لا يعرف لنا طريق !!
فالمشهد يوحي بضبابية الرؤية تماما
حيث ان المواطن المصري الآن في حيرة
من أمرهـ وهذا واقعنا المُعاش
كلما سألت شخص ...
من هو المُرشح الذي سوف تعطيه صوتك
في انتخابات الرئاسة ..
يصمت ولا يجب ؟؟
وكأن له بلغز عميق وشفرات يصعب
حلهــا وهذا حال معظم الناس ،
ترقب و حيرة و قلق
على مستقبل بلدنـا بين هذه
الأيادي التي لا يعلم سرائرها إلا الله
نسأل الله العلي العظيم
ان يولي من يُصلح ، انه ولي ذلك والقادر عليه ، تحية بكل تليق
وامتناني .



أحمــ سعيـد ــد

وصف الاحساس يقول...

عمو فشكوول
وير ار يو
فينك مختفي ليه
عامل ايه
وصحتك عامله ايه
والفاميليا واﻻبناء واﻻحفاد
ربنا يخليهملك
يارب تكون تمام .. بعيد عن اي دوشه واي كﻻم

كريمة سندي يقول...

وصف مثير اللهم ثبتنا على الحق اللهم آمين

Unknown يقول...

الله يحفظ الامة و يزيل الغمّة ..

دعواتنا الى مصر الحبيبة و اهلها .


صاحب الزمن الجميل

rona ali يقول...

فعلا الدنيا بقا صداع علي الاخر
:))))))))
معندكش مسكن بقي لدوشه بتاعت المرشحين دوال :)