مش عارف اكتب ولا ما اكتبش
اقول ولا ما اقولش
اصل مبقــــــــــــوق مفرقــــــع
مــــش طـــــــــــايق نفــــــــسى
هى البلد دى ايه .. هى البلد دى ملعونه.. وايه اللعنه اللى فيها
يا ترى انا متشائم ولا متفائل .. بالطبع انا متشائم وحيجينى منين التفاؤل
اللى يقرأ التاريخ كويس مش ممكن يتفائل .. يا ترى اللعنه ساكنه فى مصر لا تفارقها
فى آخر الاسره السادسه ايام حكم بيتى الاول قامت ثوره كبيره فى مصر.. شوفوا كان شكلها ايه....... عارات عسكريه على البلاد من الجيرات ... توريث الحكم .. حروب داخليه .. اختفاء الحقوق .. انتشار الخوف .. القحط .. انحلال خلقى ..... وحاجات مطينه بطين كتيره .. و ,,, و ,,, و ...
الفتح العربى لمصر ... يا رب حتنشلنا بقى من الهوان وحكم عمرو بن العاص الاسلامى .. الله .. الله .. الله
صلاح الدين ينتصر على التتار ... الله الله الله
قطز ينتصر على المغول .. يا حلاوتك يامصر
السلطان الغورى الذى ظلمه التاريخ كثيرا ... انت فين يا مصر
محمدعلى الكبير ... عشره او خمستاشر سنه .. وكله راح فى الفكلتش
ثورة سعد زغلول .. هو فيه احسن من كده
انقلاب 52 الذى ايده الشعب واصبح ثوره .. طب عايزين ايه تانى .. وفيه اشى فى الخص وعينه بتبص (ثعلب بيسموه الاخوان)
النصر على اليهود فى 73 طب انتم عايزين ايه
ثورة 25 يناير ..( تطلع الاخوان يخطفوها)
ثورة 30 يونيو .. برضه الاخوان عايزين يبوظوها ... اما نحكمكم .. واما نقتلكم .. هذا هو منطقهم
كل اللى حصل فى التاريخ ده ولا فيه فايده وكل مره نبدأ من اول وجديد ... هل هى بلد ملعونه ام اللعنه مقيمة بها
آه يا بلدى .. وجع قلبى عليك .. ووجع قلبى بك .. ووجع قلبى وعقلى وايامى منك
متى تذهب عنك اللعنه
هناك 11 تعليقًا:
متى تذهب عنا اللعنه؟ في الآخره ان شاء الله !
انا اخر موضوع كتبته عندي في الميكروباص قلت فيه ان كل عصر بيعدي علينا بيكون اسوأ مما قبله
مصر بلد صعبه في كل شئ ولا يوجد بها اي حاجه تدعو للتفاؤل او الامل في المستقبل
بلدنا متعبه في كل حاجه، حتى لما تخرج تروح مشوار فيه مشكله !
ولله اعتقد ان معيشه الواحد في البلد دي مغفره للذنوب
يا كل حاجة وعكسها
هي دي بلدنا
هي دي مصر
للأسف
متقولش يا فشكول وخلي الأيام والسنين تشهد علينا وهي هتحكي وتقول
يسعد مساك يا طيب
أين أنت يا أستاذنا؟!
جميعا قلوبنا موجوعه مما يحدث فى مصرنا الحبيبه وندعو لها دائما بالصبر والسلوان
تحياتى واحترامى
ابوداود
كل سنة وحضرتك طيب وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليك وعلى أسرتك الكريمة وتحقق فيه كل ما تتمنى
:)
أطيب تحياتي
فعلا مصر فى لعنه
ربنا يصلح حالها يارب
ليه يا استاذنا توقفت عن التدوين؟
منتظرين الجديد ياعمو صلاح
اتمنى انك تنورنى فى مدونتى
thx
شركه تنظيف
thx
كشف تسربات المياة
غسيل خزانات
شركة نظافة عامة
thank you
سعودي اوتو
إرسال تعليق