الثلاثاء، 27 سبتمبر 2011

مجتمع الطوائف

انا بصراحه مش مبسوط
زهقان .. ظمقان .. مدايق
النيابه والقضاء ... كادر خاص
الجيش والشرطه ... كادر خاص
الجهاز المركزى ... كادر خاص
المعلمين ... كادر خاص

بتوع النور اللى مولعين العدادات وهاريينا من فواتير الكهرباء واوعوا تصدقوا ان فيه دعم للكهرباء
 برضه .. كادر خاص

اساتذة الجامعات .. اللى بيبيعوا للطلبه الكتاب ليلة الامتحانات واهم حاجه عندهم انهم يبيعوا الكتاب اللى هو السبب فى بيظان التعليم الجامعى .. كادر خاص

شركات البترول ... شرحه
واكم ... واكم ... واكم 

الاطباء عاملين اضراب عشان قال ايه عشان خاطر مصلحة المريض .. يا سلااااام على رأى القذافى .. مريض ايه دا يا جماعه .. قولوها بصراحه عشان ترفعوا مرتباتكم .. احنا فاهمين وعارفين بعض كويس وكتير مننا بيعتوه هدومه وعفش بيته عشان   ...    من حقكم تطالبوا برفع المرتبات زيكم طبعا زى اى شريحه فى المجتمع وكمان باعتبار سنتين زياده دراسه فى كلية الطب بس بلاش تتمحكوا فى المرضى ..... مالوش لازمه الكلام

والمعلمين كمان اضرابات عشان المرتبات .. 

الفنتازيا بقى ان مع دول السواقين وموظفى النقل العام ..

وغيرهم وغيرهم وغيرهم

عشان تعرفوا
لازم الكل يعرف ان ما فيش حد بيشتغل اهم شغلانه فى البلد
مافيش حد هو اهم واحد فى البلد
مافيش وظيفه هى اهم وظيفه فى البلد
كل واحد فى مكانه اهم واحد فى البلد ..
مش ممكن البلد تمشى بس بالاطباء ولا .. بالمعلمين .. ولا بموظفى النقل العام ... ولا .. ولا .. ولا

لازم يكون فى الشارع كناس
لازم بتاع المحليات .. صحيح هو بيظبط جيبه لكن المفروض انه ضرورى وهو فعلا ضرورى

لازم كل العجله الاداريه عشان كله بيمشى كله وكله بيخدم كله والعامل اللى بيرصف الطريق بيخدم الباشا اللى راكب العربيه

ام يا ترى .. لازم يكون الباشا ابن باشا حفيد باشا

ولا .. السيد الاستاذ الدكتور يكون ابن السيد الاستاذ االدكتور حفيد السيد الاستاذ الدكتور

وسعادة المستشار ابن سعادة المستشار حفيد سعادة المستشار 

وكتيييييييييييييييييييييييييييييييييييييررررررررررررر  كتييييييييييييييييييييييييييييييييييييرررررررررررررر

كمان مره ... مافيش حد هو اهم واحد فى البلد ... كلنا فى البلد دى مظلومين .. وكلنا مجنى علينا .. وكلنا شحاتين  وبناخد مرتبات رمزيه .. وكلنا عايزين مرتبات حقيقيه 

وبـــــــــــــــــــس

هناك 47 تعليقًا:

Noha Saleh يقول...

والله الواحد مابقى عارف المشكلة مشكلة شعب ولا حكومة
المدرسين بيبهدلوا العيال دروس وعاوزين يزودوا مرتباتهم
والاطباء عندهم عيادات وعاوزين يزودوا مرتباتهم

انا بفكر فى الموضوع ده من فترة وبحاول اكتب حاجة بس مش عاوزة ابقى ظالمة لانى عارفة برضه ان المدرس مرتبه ضعيف ومش هيعرف يعيش غير بزيادة مرتبه او انه يلجأ للدروس الخصوصية

وفى النهاية بيبقى الضحية هو الطبيب والطالب واى حد بيتعامل مع فئة معتصمة

غير معرف يقول...

سلامـُ عليكـُ

معلش ياعمنا هي الدنيا كده
والشعب المصري طبعه وحش اوي اوي
مع اننا بنقول انه اجمل شعب في العالم

ربنا يعديها علي خير

تحياتي

غير معرف يقول...

أستاذ فشكووول ..
إنت كنت فين امبارح ... حاولت أخش على المدونة .. كدب علي غوغل وقللي إنها اتحذفت ..
مش هأدر أعلق على الأحداث السياسية ده الوقت علشان الموضوع حساس زيادة ..
بس أنا مسرور إنها كانت كدبة من غوغل .. وكمان مسرور علشان ظلالي خيمت على مدونتك .. بس لازم كمان يا سيدي تحذف من مدونتك مرآتي ..
وأهم حاجة أشوف النور البهي مع المشتركين الذين يحسنون الظن بي في ظلالي البيضاء .. هي بالفعل صورة جميلة ..
إنتبه لحد يقنعك تغيرها وتحط صورة مع كرافتة أو حاجة زي دي ..
صورتك جميلة وتشرح القلب .. بس ياريت بقه تنور مدونتي الجديدة بيها ..
تحياتي لك .. ويارب تهدأ الأمور .. وتبقى دايماً مسرور ومش متفشكل ولا متضايق ..

Unknown يقول...

قد تتوقف المطالبات يوما اذا توفرت السيولة المادية , او حتى يقتنع الناس انهم يمكن ان يعيشوا بنفس المرتبات اذا انخفضت الاسعار وتوفر تعليم وصجة حقيقيين مجانيين او حتى قد تتوقف المطالبات عندما يبيع لهم بعض المسئولين الوهم في صورة امل


لكن الضياع كل الضياع في حياة الطوائف والكانتونات التي يصر الجميع على تعزيز جدرانها في مصر
تحياتي

Unknown يقول...

عندك حق .....
لكن فيه ناس لاتعمل شىء يستحق وتحصل على مرتبات خيالية دمرت العدالة الاجتماعية

Unknown يقول...

تحياتي الى قلم واعي الفكر ينكش في

ذواتنا و يعرّي واقعا أليما في أكثر

الأحوال ،،،

على فكرة ما ذكرته لا يخصّ مصر فقط و

لكنه يتعدّها الى كل الوطن الكبير،،،


مدونة الزمن الجميل (التونسيّة طبعا هههه)يسعدها دعوتك إلى جديدها !



****

Unknown يقول...

فضلا

اردت تسجيل متابعتي للمدونة فلم اجد لذلك سبيلا ..

بسمة الورد عطر المشاعر يقول...

والله كل الكلام على الجرح تمام ,, لكن الظلم تلاتين سنه والكبت اللى كنا فيه دا نتيجته اكيد ,, وربك ينتقم من اللى كان السبب,,
ربك يصلح الحال الى الاصلح يارب موش قدامنا غير الدعاء

sabry abo-omar يقول...

عندك حق فعلا.. مش عارف ليه افتكرت فيلمانتبهوا ايها السادة لما حسين فهمى بيشرح اهمية وجود الزبال فى المجتمع..فعلا احنا محتاجين نشرح لبعض ان كل وظيفة ليها اهميتها اللى مش تقل عن غيرها.. تقبل مرورى وتقديرى لموضوعاتك الواقعية وطريقة عرضها

eng_semsem يقول...

احلى ما في كلامك كلمة وبس اللي في الاخر
طيب وبعدين لما الكل عايش رمزي هيخدم بلده ازاي المشكله ان احنا بنتعلم من بعض بطريقه غير اراديه انا بشوف مدرس يطحني وياخد فلوسي واسمه بيعلم عياله يقوم الدكتور لما يجي ليه مريض يتخيل ان ده المدرس او ابن المدرس اللي اخدت فلوسي ولازم اخد حقي منه والمهندس وهو بيبني البيت عارف ان ده الدكتور اللي اخدت منه فلوس وهو بيعالجه او مدرس من اللي بيقبضوا منه نظير تعليم عياله
والسواق بيوصلهم كلهم ولازم ياخد حقه هو كمان ما هو بيتعب وبيتعالج ومش لاقي سكن كويس عشان السكن غالي وعياله في التعليم
من الاخر الظروف اللي فاتت في مصر صنعت مجتمع بيحاول ياكل بعضه وربنا يعدل الاحوال ونبقى مجتمع بيحاول يساعد بعضه
تحياتي على موضوعك الرائع

Emtiaz Zourob يقول...

بتهيألي انكم محتاجين مش ثورة بل الف ثورة وثورة حتى يتم تصحيح مسار بلد وشعب بأكمله.. ربنا معاكم .. الطريق لسه بأوله وبده نفس طويل ..

قلوبنا معكم دوما .

❀»Şάŋdŕά.k يقول...

يآآآرب وحدك الكبير على كــل ظآآلم

تحية وقبعه أرفعهآ لـ الشعب المصري ..
الشعب الذي بحق أحب ان يكون طيرآ محلقآ بلآ قيود ..


احساس ساندرا

وصف الاحساس يقول...

هو زي ما تقول كده الناس من زمان ما شافتش النور وما زعقتش ولا اتخانقو ولا قعدو في الشارع
فكل ده كبت مكبوت من 30 سنه
فكان لازم كل الناس تعمل كل حاجه ما عملتهاش من زمان
فلو ده كان حصل من سنه كان اكيد الوضع اتغير
جايز خايفين ان الوقت يعدي وتعود ريمه لعادتها القديمه

الاحلام يقول...

لا تنسى اخى العزيز ان باقى الشعب الغلبان كادر خاص ولكن كادر الغلابه والمساكين الى متى سنظل هكذا لابدان نغيروا ما بانفسنا حتى يغير الله ما بنا
فان الله لا يغير ما بقوم حتى يغيروا ما بانفسم
تحياتى ابوداود

maioya يقول...

كمان مره ... مافيش حد هو اهم واحد فى البلد ... كلنا فى البلد دى مظلومين .. وكلنا مجنى علينا .. وكلنا شحاتين وبناخد مرتبات رمزيه .. وكلنا عايزين مرتبات حقيقيه


ماهي دي الخلاصه

ريري كربكه يقول...

يا استاذي
مدونتك حلوه اوي والبوست واقعي
بالنسبه للمدرسين اللي بيعملوا اعتصامات علشان المرتب
طيب ونسيوا بقى الدروس الخصوصيه
وكمان الاطباء نسيوا كمان العيادات الخاصه ده حتى الاستشاره بقت بفلوس
والله حرام
امال بقى اصحاب المهن البسيطه يعملوا ايه
يدوا دروس ولا يفتحوا عيادات
يعني العامل مثلا البسيط ده يعمل ايه
والله انا كمان نفسي يشفولي قناه في التلفزيون ويسموها قناه مثلا قناه الرغايه واقعد اقول اللي انا عايزها ومش مهم حد يرد عليه المهم اطلع الكبت اللي انا فيها والشعب كمان
وان لزم الامر تكون في الراديو حتى
معلش طولت بس ما صدقت
تحياتي لك

Unknown يقول...

اصبحت اخاف على
بلدنا فقد صــار
مجتمعنا ينسلخ
طبقات وطبقات
والوحدة الشعبية
التى يتحدثون عنها
لا تظهر الا فى الشدائد!

SAM يقول...

Hello friend! Sorry for the delay. We had problems in blogs. Now all ok. Strength and faith to continue to fight for good and just cause! hug

شمس النهار يقول...

الموضوع بقا عامل زي السوق
كل واحد بينادي علي بضاعته هو
والمنطقي انه مش هينادي علي بضاعة غيره

بس الانانية سيد الموقف

عازفة الالحان يقول...

الله يعينكمْ ي أخي
ويعديهآ على خير

دمت بخير

rona ali يقول...

لاء والحكومه فتحت ابوابها لتعين اولاد الموظفين بالمحاكم ووزراه العدل والموظفين في المحاكم زغرطوا وكل اودلادهم قدموا

واذا فجاه يعنى خدوا ولاد موظفين وزارة العدل بس

لعنه الله علي الظلماء بجد :)

معلشي استاذ فشكول انا ليسه شايفه رد حضرتك حالا عندى سامح نظري :):)

استمتعت باراء حضرتك والواضحه والصريحه والمباشرة وجون وجووووووووووووووووووووون

تحياتى لقلمك

MAIS M.ISSA يقول...

استاذ فشكول
تسلم على هالكتابة الرائعه واعجبني قولك انه مافي وظيفه اهم من وظيفة هذا صحيح لان الكل يعمل من مكانه والكل مهم وانا اعتبر الرئيس هو خادم للشعب وليش المتعالي على الشعب..والله ياستاذ كل اللي يحصل في مصر الان موجود في العراق ولكن اسوأ بكثير بكثير صدقني..حفظكم الله
شكرا على الزيارة لمدونتي وشكر اكبر على التعليق
ميس الخالدي

م/ الحسيني لزومي يقول...

اخي العزيز
لقد سرق الميل الخاص بالمدونه بعد اخر موضوع نشرته هذا هو السبب فنقلت نشاطي للفيس بوك رغم عن انفي
مهندس/ الحسيني لزومي
تحياتي واشواقي

reemaas يقول...

وبس

هى دى فعلا النهايه الطبيعيه للى بيحصل

الكل مش مقدر الوضع وشايف انه لو مالحقش يهبش حبه فلوس وياخد حقه دلوقتى هيضيع وكانه كان له حق قل كده اصلا

كل البلد مرتابتها تعبانه لو قارنت كل واحد بقرينه بره

الكل حالته تعبانه والكل محتاج يقف على رجله والكل محتاج يبنى البلد علشان يوفر لنفسه الحياه الكريمة دى

سواح في ملك اللــــــــــــــــــه- يقول...

استاذنا

الزبال اهم شغلانة في البلد في موقعة

وبتاع الصرف الصحي دي اهم شغلانة في البلد في موقعه

تحياتي

جايدا العزيزي يقول...

والله كده ياعمنا الحكايه

مش باين ليها اخر

قلنا بعد الثورة كل حاجه هتطظبط

واترى الاسعار بترتفع والمرتبات بتقل

والصبر حلو بس للى ممعهوش مر

طيب يجيبوا منين لغايه ما الازمه تعدى

ياخوفى يا فشكووووووووووول

تحياتى

عبدالله بن سليمان ( أوتار عذبة ) يقول...

اعانكم الله واصلح حالكم

اخي فاشكووول اشكركـ على طيب حضوركـ لمدونتي المتواضعة
وانا سعيد بمعرفتكـ
دمت بود

الازهرى يقول...

يا عمنا سيب الناس تقول

دى فترة التذبذب التى تلى المواقف العنيفة فى البلاد
وفترات ما بعد الثورات تلاقيها كاتبه عن كل ده

وربنا معانا

ظلالي البيضاء يقول...

إنت فين يا أستاذ فشكوووووول ؟؟؟ ...
اتعودت على زياراتك الجميلة .. بس من زمان وإنت بعيد عني ..
بعيد عني حياتي عذاب .. ههههه
فكها بقى .. ده احنا اللي النار بتكوينا لسه بنضحك وبنكتب وبنحب .. وبنعمل حاجات كتيرة وحلوة ..
تحياتي لحضرتك ..
وبوسة كبيرة على جبينك .. بس فكها خلاص

وفاء بركات يقول...

أستاذى العزيز فشكوووول
عندما تتكلم يجب ان نصمت للنفهم ولأن كلامك غالبا مايكون بيرصد حقيقة الوضع في خضم الحدث ونظرتك دائما موضعية وانك بتبني وجهة نظرك علي وقائع وليس إحتملات ..
انا معاك في كل ما ورد في ردك واضيف انها عضمة تلهينا عن بلاوى اخرى ان مايحدث لصرف نظرنا عن حدث اهم ناكل في بعض علشان في حاجه اكبر حتحصل وده اللي مخوفني ...
ومهدقرش اقول بعد كلام حضرتك كلام ..
شرفتني وسلامي للأسرة الكريمة

وفاء بركات يقول...

توريث يا باشا وبيستكترو علي ولاد الموظفين الغلابةالتعين اولاد عاملين بشروط وبعد اجراء مسابقة لإختيار الأفضل من غير محسوبيه ولا واسطه مازال الفساد يرتع بيننا مخرج لسانه لنا راقص الحواجب عقود متمزة لأبناء النواب والمدريين ورؤساء القطاعات اقل عقد 10000جنيه غير المكافأت بينما هناك موظف اتحني ظهرة قرابة الثلاثين عاما لم يصل 2000جنيه ..
تحياتي

نهر الحب يقول...

والله مش عارفة اقول ك ايه
عندك حق جدا

انا صيدلانية في مستشفي حكومي
واستفزتني جدا اضراب الاطباء وكلامهم عشان مصلحة المريض ويمكن ناس متصدقش ان مش كل الدكاترة بيكشفوا علي حد في المستشفيات الحكومي
وبتحصل مهازل
بلاش نضحك علي بعض
لكن...

محدش بيستحمل والناس لاقيه ان مجموعة بيُستجاب لها يبقي لازم يقلدوهم

ربنا معانا بقي

فشكووول يقول...

اجرب اعمل تعليق عندى

Carmen يقول...

عيدكم مبارك :)


gallery.moshax.com/data/media/30/3089965006_a19edbe61b.jpg

وصف الاحساس يقول...

كل سنة وانت طيب عمو فشكول وكل الاسرة السعيدة والاولاد والاحفاد بالف خير

ظلالي البيضاء يقول...

أستاذ فشكووول ..
كل سنة وإنت طيب ..
إنت فين يا صاحبي .. مش تكون زعلان ولا حاجة ؟؟
مش تيجي تتطمن على أخوك محمد علشان هو عمل حادثة سيارة بس الحمد لله جت سليمة ..
أنا اشتأتللك بجد .. لازم تطل علينا ..
يا رب تبقى بألف خير حضرتك ..
مع تحيتي ومحبتي وأشواقي ..
محمد الذهبي

Unknown يقول...

كل عام وأنت بخير أستاذنا الكريم
وعيد سعيد إن شاء الله
تقبل تقديرى واحترامى
وبارك الله فيك وأعزك

Unknown يقول...

مدونة الزمن الجميل يسعدها دعوتك إلى جديدها:تدوين تحت الوصاية !

Carol يقول...

في إنتظار جديدك

وفاء بركات يقول...

أستاذى فشكووووووووووول

اشكرك علي سؤالك عني حال غيابي وربنا ما يحرمني من سؤالك وجزاك الله خير
كنت احضر مراسم دفن ومأتم إبن أخي الشاب رحمة الله عليه وعلي جميع امواتنا
دمت كريم الخلق ..
تحياتي لك وللأسرة الكريمة

Emtiaz Zourob يقول...

بقالك فترة غايب .. لعل المانع خير ؟؟ طمني عليك ..

اللهم أنى أستودعتك مصر..♥ رجالها و شبابها .♥.

نساءها و فتياتها .♥. أطفالها و شيوخها .♥.

اللهم أنى أستودعتك ممتلكاتها و مبانيها و منشآتها .♥.

اللهم أنى أستودعتك نيلها و اراضيها و خيراتها .♥.

اللهم أنى أستودعتك أمنها و أمانها و أرزاق اهلها .♥.

اللهم أنى أستودعتك حدودها و بحورها و جنودها .♥.

فأحفظهم بحفظك يا من لا تضيع عنده الودائع و أنت خير الحافظين .

جايدا العزيزي يقول...

عام مضى.... بكل ما فيه من اعمال خيرها و شرها .. جعل الله جميع اعمالنا مباركة صالحة .. وأن يغفر الله خطايانا و ذنوبنا..
و عام نستقبله بكلّ الأماني .. و تجديد النيّة فيه بان تكون جميع أعمالنا خالصة لوجه الله .... و العزم على التقرب لله تعالى .. في الصالحات من الاعمال و الافعال

اسمى آيات التهانى و التبريكات الى جميع الاخوة والاخوات ... و الامة الاسلامية و العربية .. بهذه المناسبة العظيمة .. جعلها الله سنة خير و بركة...

و نصر الاسلام و المسلمين ... في شتى بقاع الأرض
كـــــــــــــــــــــــــل عــــــــــام وأنتم بخـــــــــــــير

م/ الحسيني لزومي يقول...

http://menmen.blogspot.com/2011/12/blog-post.html

الاحلام يقول...

طيب وبعدين الى متى سنظل هكذا اتمنى ان الله يصلح الحال حتى نعيش فى اطمئنان
تحياتى ابوداود

ظلالي البيضاء يقول...

أستاذ فشكووول ..
كفاية من شهر وعشر أيام مش بنشوفك ..
ارحم قلوبنا بقه .. ده احنا حبايب يا راجل ..
يارب تكون بألف خير ..
حبيت أسلم عليك .. واطمن على أخبارك

جلال كمال الجربانى يقول...

يحدث ذلك دائماً بعد الأحداث العظيمه
لابد من الهرج والمرج قبل الأستقرار
حدث ذلك فى كل البلاد التى ثارت طلباً للحريه
ولا تنسى ياعمناأننا فى سنه أولى حريه يعنى يادوبك لسه بنتعلم الحريه

ودمت بخير حال

كريمة سندي يقول...

مبارك المدونة الجديدة الله ينور والله المستعان بجد ربنا معاكم